Në këto momente kanë mbërritur në takimin e Këshillit Politik përfaqësuesit e opozitës së bashkuar Petrit Vasili dhe Oerd Bylykbashi.
Këshilli Politik për Reformën Zgjedhore pritet që të nisë një mbledhje ditën e sotme. Këshilli u ngrit dy ditë më parë me dakordësinë e të gjitha palëve politike si parlamentare dhe jashtë parlamentare.
Mbledhja pritet që të drejtohet nga dy bashkëkryetarët e Komisionit për Reformën Zgjedhore, Damian Gjiknuri dhe Rudina Hajdari.
Grupi parlamentar i Partisë Socialiste do të përfaqësohet nga Ervin Bushati, grupi Parlamentar Demokrat nga Alban Zeneli dhe grupi parlamentar i pavarur nga Nimet Musai.
Ndërsa opozita jashtëparlamentare ka vendosur të caktojë 5 përfaqësues në këtë këshill. Dy nga përfaqësuesit janë edhe anëtarët e tryezës së djeshme që solli marrëveshjen për Reformën Zgjedhore, Oerd Bylykbashi nga PD dhe Petrit Vasili nga LSI.
Tryezës pritet t’i bashkohen edhe përfaqësues të partive të vogla politike.
