Një 62-vjeçare ka humbur jetën te infektivi, pasi vuante nga një sëmundje e rëndë kronike e pankreasit, me vdekshmëri shumë të lartë: pankreatiti nekrotizant. Gjithashtu e moshuara ishte e prekur edhe nga koronavirusi.
Sipas Ministrisë së Shëndetësisë, 65-vjeçarja nuk vdiq nga COVID-19, pasi ajo nuk kishte asnjë shenjë klinike të sëmundjes.
Lidhur me lajmin për vdekjen e një paciente me COVID19, Ministria e Shëndetësisë dhe Mbrojtjes Sociale informon se:
Gjatë ditës së ndërruar jetë në spitalin infektiv një 62-vjeçare si pasojë e një sëmundje të rëndë kronike të pankreasit, me vdekshmëri shumë të lartë: pankreatiti nekrotizant.
62-vjeçarja që vuante edhe nga kanceri dhe astma bronkiale, është sjellë ditën e djeshme në gjendje të rëndë nga spitali i Shkodrës, ku rezultoi bartëse e COVID19, por pa shenja klinike të sëmundjes. Referuar shërbimit infektiv, 62-vjeçarja nuk ka ndërruar jetë si pasojë e COVID19, pasi ishte asimptomatike për këtë sëmundje, por si pasojë e sëmundjes së rëndë të pankreasit.
Ministria e Shëndetësisë informon se do të mbajë të informuar publikun për çdo zhvillim, ndaj lutemi t’I referoheni njoftimeve zyrtare.
