Në 24 orët e fundit, policia ka kapur 20 drejtues mjetesh që kanë shkelur urdhrin e ndalim qarkullimit, të cilët janë ndëshkuar me heqje të lejes së drejtimit dhe bllokim mjeti.
Po ashtu janë evidentuar dhe ndëshkuar me masë administrative 10.000 lekë të reja plot 230 shtetas, të cilët u konstatuan nga shërbimet e Policisë duke lëvizur në këmbë apo me biçikleta, pa ndonjë arsye apo emergjencë. Shkelje e penalitete ka patur edhe në biznese.
Shërbimet e Policisë vijojnë prej ditësh kontrollet në të gjithë territorin në zbatim të masave kufizuese të shpallura nga qeveria shqiptare për vënien në kontroll të pasojave që sjellin përhapjen e COVID-19. ©Lapsi.al
