Një vajzë 18-vjeçare ënga Lezha shtë paraqitur në spital me apandesit të gangrenizuar, ndërsa gjyshja e saj ishte zbuluar se kishte koronavirus një ditë më parë.
Ndërhyrja kirurgjikale e saj është kryer në Spitalin Universitar “Shefqet Ndroqi”, në Tiranë.
Vajza e re, sipas panoramas, është mbesa e një gruaje të moshuar e cila rezultoi e prekur nga COVID-19 të mërkurën e kësaj jave që po lëmë pas.
Ndërkohë, me të mësuar këtë fakt, mjekët e Sanatoriumit i kanë kryer tamponin vajzës së re e cila gjithashtu rezultoi pozitive. E reja ishte izoluar në banesën e saj në Lezhë pas lajmit për gjyshen, por mesa duket nuk kishte shpëtuar vetë prej virusit.
Operacioni i saj ka kaluar me sukses të shtunën në mbremje, në Sanatorium dhe pacientja ndodhet në gjendje të mirë shëndetësore.
