Gjykata e Përmetit ka dhënë pas një seance maratonë dhe që zgjati kati 10 orë vendimet për masat e sigurisë për të 31 të arrestuarit e dosjes “Mezhgorani. Trupi gjykues ka vendosur lirimin e botuesit Henri Çili dhe lënien e tij me masën “detyrim paraqitje” ndërsa për drejtorin juridik të UET-së Ilir Korbi është dhënë masa “arrest shtëpie”. Detyrim paraqitje është dhënë edhe për noteren nga Tirana Shpresa Gjoçaj që akuzohet se ka legjitimuar kalimin e disa pronave në emër të Çilit.
Të pranishëm në sallë ishin 30 të arrestuar, përveç biznesmenit Sait Fishta, i cili ndodhet i shtruar në spital, pasi u sëmur pas arrestimit. Gjatë seancës, botuesi Çili ka pranuar përgjimet e nxjerra si provë në gjykatë, ndërsa ka mohuar akuzat që i rëndojnë.
Sipas botuesit, përgjimet janë të vërteta dhe tregojnë bisedat që ai bën në studion e tij ligjore, që sipas Çilit funksionon për ndërmjetësime. Botuesi është shprehur se kjo ngjarje do të jetë një shtysë për forcimin e masave të mëtejshme në mënyrën e funksionimit të studios së tij. Ai është shprehur se është arrestuar pa prova.
Ndërsa për sa i përket kunatit të tij, Gazmir Ajdinit, Çili është shprehur se nëse ka bërë paligjshmëri, le të përgjigjet para ligjit. Avokatët janë shprehur në seancë se të pandehurit duhet që të paktën të ishin ndarë në tri grupe pasi nuk mund të trajtohen të gjithë bashkë pasi aty ka të ndaluar për akuza të ndryshme që nga trafiku i drogës dhe armëve deri te ndërhyrje në sistemin e drejtësisë. ©LAPSI.al
Arrest me burg
Amarildo Aliko
Eraldjan Hodo
Xhevair Sejati
Neuland Miçi
Skënder Toska
Armando Hajdinaj
Sidi Ramaj
Erment Beqaraj
Askerd Malke
Elidon Alikollari
Ervin Çela
Antonio Hasa
Adriatik Brakaj
Aristidh Çoli
Klea Pëllumbi
Kladi Dervishi
Detyrim paraqitje
Henri Çili
Shpresa Gjocaj
Liko Jazi
Renato Toska
Kejsi Meço
Edmond Xaka
Kristina Bashi
Lisandër Alikollari
Entilon Kamberaj
Abaz Dani (Mesi)
Daniel Yzeiraj
Arrest shtëpie
Ilir Korbi
Besnik Fishta
Masa e sigurisë do jepet nesër
Betim Shkupi (Masa do të jepet nga një tjetër gjyqtar për shkak të konfliktit të interesit)
Sait Fishta (i shtruar në spital i komunikohet masa nesër)
