Flamengo duhet të dëmshpërblejë familjet e 13 futbollistëve të rinj që u përfshinë në 9 shkurtin e kaluar në një zjarr vdekjeprurës në Qendrën Sportive të Vargem Grande, në perëndim të Rio de Janeiro: viktimat ishin 10, ndërsa tre të tjerë mbetën të plagosur rëndë. Vendimi është i Gjykatës së Drejtësisë në Shtetin e Rios, që ka fiksuar 10 mijë reais në muaj (rreth 2.150 euro) shumën e dëmshpërblimit. Djemtë u kapën në gjumë, pak pas orës 5 së mëngjesit, nga një qark i shkurtër në sistemin e kondicionimit të një nga dhomat e parafabrikatit të vjetër ku strehoheshin, në pritje të transferimit në një strukturë më moderne.
Zjarri shkatërrimtar në qendrën e Rios, Ninho do Urubu, ku stërvitet Flamengo shkaktoi 10 viktima dhe shumë të plagosur, të gjithë mes moshës 14 e 17 vjec.
Ky dëmshpërblim do të shërbejë si mbështetje priovizore për familjet e viktimave, në pritje të vendimit përfundimtar që do të fiksojë në rrugë zyrtare shumën e gjobës: nëse do të provohet përgjegjësia e Flamengo, klubi – dy javë më parë i kurorëzuar kampion i Amerikës së Jugut pas fitores ndaj River Plate në finalen e Libertadores - duhet të paguajë edhe 1.000 reais (215 euro) në ditë për cdo një nga viktimat. Shoqëria kuqezi, që ka mundësinë të bëjë ankimim në apel, nuk e ka komunikuar ende vendimin.
https://www.youtube.com/watch?v=26dSQeCf-Ck
