Stadiumi i ri është gati të presë Kombëtaren, "Air Albania" ka hapur dyert për tifozët në ndeshjen test, që do ti hapë rrugën zbritjes në tapetin e gjelbër të tij të kampionëve të botës. Vllaznia-Apolonia për kampionatin e femrave është ndeshja që do të luhet për të testuar efikasitetin dhe besueshmërinë e impiantit, përpara se në të, të luajnë Mbappe, Griezmann e të tjerët. Impianti është i destinuar të futet në histori, me mirëpritjen e të parës ndeshje me drita të futbollit të femrave në vendin tonë.
Spektakël dritash, fonia impresionuese dhe një impiant modern që po magjeps të gjithë ata që kanë dashur të ulen në tribunat e tij për të parën herë, pikërisht në ndeshjen e inaugurimit. Pavarësisht rezultatit të ndeshjes mes Vllaznisë e Apolonisë, dy skuadrave që kryesojnë kampionatin e femrave, të gjithë mbrëmjen e sotme ndihen fitues...
