Bylis shkon në 7 ndeshje pa humbje radhazi, por në Gjirokastër nuk bëri dot hap kryesuesi dhe u ndal në shtylla e tek një Luftëtar që Marantas e kishte vendosur në fushë me ekuilibër, duke i dhënë gjithnjë e më shumë cinizmin, që me aq sa janë mundësitë e formacionit bluezi, mund të bëhet arma më e rëndësishme e gjirokastritëve, pavarësisht se tekniku grek nuk do ta kuptojë dot kurrë se si një zëvendësim nuk mund të bëhet se nuk punon tabela.
Që do të ishte një ndeshje e luftuar u kuptua që në minutën e 3′ në kontrastin mes Guindo e Lalës, ku pasojat më të rënda i pati sulmuesi që u dërgua menjëherë për në spital. Problemin më të madh për të mos iu gëzuar golin skuadra Dovedan e pati me shtyllat: në të shtatën në konkluzionin brenda zonës të Ntepe, që 8 minuta më pas zgjodhi golin me gjoks por pa bërë llogaritë me shtyllën. Luftëtari mundohet të përgjigjet me armët që ka, dmth Filin që tenton të marrë përsipër skuadrën, por i mbetet si alternativë vetëm goditja nga distance, i izoluar mes fanellave mallakastriote. Luftëtari megjithatë rastin më të mirë e pati në fundin e pjesës së parë kur mes Filit e golit ishte vetëm Goxhaj, që largoi në vijë fatle.
Të besuarit e Dovedan u ndëshkuan në minutën e 62′ në goditjen me kokë të Açkës. Mungesë experience, apo neglizhencë momentale, por Dovedan kërkoi reagimin dhe skuadra iu përgjigj. Protagionist përsëri Acka, por këtë herë në të keq, ndërhyrja e lojtarit në të 74′ është 11-metërsh për Enea Jorgjin dhe golashënuesi më i mirë i Bylis, portieri Isli Hidi barazoi shifrat me qetësinë që e karakterizon.
13 pikë për Bylis. 6 për Luftëtarin, që mbetet në zonën e ftohte të renditjes, pavarësisht se Marantas i ka dhënë një fizionomi bluezinjve: ego e karizëm për grekun, që ende nuk e ka kuptuar si mundet në një kampionat elitar të futbollit të një vendi, zëvendësimi të mos kryhet kur e kërkon trajneri…por gjithësesi tekniku po mban shënime…
