Moment i komplikuar në kampin e Manchester United. Barazimi 1-1 në sfidën kundër Arsenal, në javën e fundit të kampionatit, sjell një pikë por edhe një rekord absolutisht negativ. Bëhet fjalë për 9 pikë në klasifikim pas shtatë javësh kampionat: në historinë e tij klubi anglez i drejtuar nga Solskjaer nuk kishte bërë kurrë më keq se kaq.
Ashtu si thekson AS, në fakt, tekniku norvegjez ka arritur të bëjë edhe më keq se paraardhësit e tij si José Mourinho e David Moyes që kanë drejtuar Manchester United në sezonet e kaluara. Portugezi në atë të kaluarin, pikërisht përpara ardhjes së Solskjaer, ndërsa Moyes në sezonin 2013-2014. Të dy kishin marrë nga 10 pikë, pas 7 javëve të para, një më shumë se Solskjaer. Me dy fitoret e tij, tre barazimet e dy humbjet, norvegjezi futet në Guinness negativë, të Red Devils. Në fakt, bëhet fjalë për nisjen më të keqe të historisë së klubit në Premier League, që kur lindi kompeticioni (1992).
