Cmimi i 10 në dhjetë vjet. Cristiano Ronaldo ka bërë rrugë të gjatë drejt Carlos Lopes Pavilion në Lisbonë, për të marrë cmimin si shënuesi më i mirë portugez i vitit. Një trofe i dominuar në këtë dekadë nga CR7, që vazhdon të respektojë me të njëjtën dëshirë e përkujdesje si 9 të parët.
E sa për ta bërë ceremoninë të vecantë, organizatorët i kanë bërë një dhuratë speciale Cristiano Ronaldos. Ashtu si bën të ditur SportBible, së bashku me cmimin ka ardhur edhe një videomesazh i një ish-trajneri të portugezit. E jo një çfarëdo, por mësuesi i madh i CR7. Vitet kalojnë, por si dëshmojnë fjalët e skocezit, afeksioni i Sir Alex Ferguson për 5 herë Topin e Artë nuk humbet aspak. “Përgëzime për një rezultat madhështor e për mbrëmjen e bukur që do kalosh në Portugali. Më vjen keq që nuk mund të jem aty me ty, por të shoh e rishoh tek ty djaloshin 17 vjecar që erdhi tek Manchester United. Shoh si je rritur, si njeri, por edhe si sportist i jashtëzakonshëm”.
Shumë komplimente për lojtarin, por edhe më shumë për njeriun që ai është. Ferguson, që ka ndarë dhomat e zhveshjes me personalitete të rëndësishme si Cantona, Keane e Giggs, nuk e ka fshehur kurrë preferencën e tij për CR7. Një shembull për tu ndjekur në fushë dhe jashtë. “Dua të them dicka ty, mamasë tënde, gjithë familjes e fëmijëve të tu: ke bërë shumë mirë. Ishte një kënaqësi për mua të të njihja, të punoja me ty e të të shihja të rriteshe e të bëhesh lojtarin që je. Zbavitur dhe përgëzime” përfundon Ferguson. Një përqafim, edhe pse virtual, që vlen më shumë se një cmim.
