Dëmtimet nuk e kanë lënë të qetë teknikun e kampionëve të Botës Didier Deschamps, që është përfshirë edhe nga kritika në lidhje me zgjedhjet e tij për të zëvendësuar kampionë të padiskutueshëm si Kylian Mbappe apo Paul Pogba, që do të mungojnë në kualifikueset e Francës kundër Shqipërisë dhe Andorrës. Dëmtimi në kavilje i mesfushorit të Manchester Unitedm në barazimin 1-1 kundër Southampton, ka bërë që tekniku Deschamps të thërrasë Matteo Guendouzi. Lojtari është vlerësuar për formën që po kalon tek Arsenal, djaloshi i ri ka qenë titullar i rregullt në përfaqësuesen Under 21 që kur u bashkua me Arsenal, por nuk kishte marrë kurrë thirrje për skuadrën e parë.
Në krah të zgjedhjes së Deschamps është fakti se Guendouzi ka luajtur titullar në të katër ndeshjet e para të Premier League, ndërsa më zhurmë ka bërë zgjedhja e teknikut për të zëvendësuar Aymeric Laporte, fillimisht në listën kundër Shqipërisë dhe Andorrës. Kur mbrojtësi i Manchester City, që edhe pse nuk luan rregullisht, është preferuar ndaj yllit të West Ham Diop, për dy ndeshjet kualifikuese të Gropit H, zhgënjimi për lojtarin e Hummers dhe kritikëve të Deschamps ka qenë i madh. Por edhe kur Laporte pësoi dëmtimin në gju, në fitoren kundër Brighton, 22 vjecari është injoruar nga tekniku që ka thirrur rezervën e Barcelonës Samuel Umtiti, edhe pse lojtari nuk luan një ndeshje kompetitive që nga muaji maj. 25 vjecari ka luajtur vetëm 13 ndeshje sezonin e kaluar, por sic duket ky nuk është një problem për Deschamps.
SKUADRA E FRANCES
Portierë: Alphonse Areola (PSG), Hugo Lloris (Tottenham), Mike Maignan (Lille)
Mbrojtës: Léo Dubois (Lyon), Benjamin Pavard (Bayern Munich), Clément Lenglet (Barcelona), Samuel Umtiti (Barcellona), Kurt Zouma (Chelsea), Raphaël Varane (Real Madrid), Lucas Hernandez (Bayern Munich), Lucas Digne (Everton)
Mesfushorë: Blaise Matuidi (Juventus), Steven Nzonzi (Galatasaray), Matteo Guendouzi (Arsenal), Moussa Sissoko (Tottenham), Corentin Tolisso (Bayern Munich)
Sulmues: Wissam Ben Yedder (AS Monaco), Kingsley Coman (Bayern Munich), Nabil Fékir (Real Betis), Olivier Giroud (Chelsea), Antoine Griezmann (Barcelona), Jonathan Ikoné (Lille), Thomas Lemar (Atletico Madrid)
