Një ditë pasi Prokuroria mbylli hetimet dhe çoi dosjen e ish-ministrit të Brendshëm Saimir Tahiri për gjykim, ai është njohur ditën e sotme me akuzat në Gjykatën e Krimeve të Rënda
Gazetarët e kanë pyetur Tahirin pas daljes nga Gjykata nëse ai disponon materiale komprometuese, pasi persona të tjerrë do ishin në burg për akuzat që janë ngritur ndaj tij. Tahiri u përgjigj se atij i intereson vetëm e vërteta e tij, ndërsa përmendi edhe Spartak Brahon.
“Këtij vendi kaq të vogël i mjafton baba Taku me cantën e zezë dhe nuk ka nevojë edhe për Saimir Tahirin, unë kam nevojë vetë për të vërtetën time. Dhe kaq më mjafton për gjithçka.”- tha Tahiri.
Tahiri është pyetur edhe nëse ka mbështetjen e kryeministrit Edi Rama, i cili ka thënë se atij duhet t’i kërkohet falje. Ish-ministri u përgjigj se nuk i duhet mbështetja e askujt, por vetëm e vërteta e tij.
“Nuk më duhet fare, nuk më duhet mbështetja e askujt, por vetëm e vërteta ime. Nëse mendoni se duhet mbështetja e dikujt dhe të jesh te sqetulla e dikujt gaboni.”- tha Tahiri.
