Pas vendimit unanim nga grupi parlamentar i PD për djegien e mandatav, Lulzim Basha zhvilloi takim me aleatët.
Pas takimit 60 minuta me kryetaren e LSI, Monika Kryemadhi në ambientet e selisë blu, Basha takoi edhe aleatët e vegjël të PD-së.
Basha ka zhvilluar takim me kreun e LZHK Dashamir Shehi, kreun e PBDNJ Vangjel Dule, kreun e PR Fatmir Mediu, kreun e PAA Agron Duka si dhe me kreun e PDK Nard Ndoka.
Gjatë ditës së sotme Basha ka deklaruar zyrtarisht se grupi parlamentar vendosi të djegë mandatet duke numëruar arsyet që çuan në këtë vendim.
Grupi i PD ka autorizuar Bashën të ndjekë hapat e mëtejshëm.