Të afërm të kuksianëve të arrestuar nga policia për protestën në Kalimash dhe mbështetës të opozitës kanë dalë në protest në Shkodër, aty ku do të merret vendimi i Apelit për lënien apo jo në burg të protestuesve.
Pavarësisht masave të policisë, situata është tensionuar kundër uniformave blu me thirrjet e protestuesve kundër Ministrit të Brendshëm, Fatmir Xhafaj dhe paraardhësit të tij në detyrë, Saimir Tahirit.
Jashtë ambienteve të gjykatës janë hedhur disa tymuesese, dhe një prej tyre është hedhur edhe shumë pranë vendit ku qëndronte Drejtori i Policisë së Shkodrës, Vehbi Bushati. Në Shkodër janë angazhuar rreth 150 policë për të mbajtur nën kontroll protestën.
