Policia e Matit ka arrestuar tre persona, pas vdekjes së një punëtori në një minierë kromi në Klos pak ditë më parë. Policia ka arrestuar dy zjarrmëtarët dhe teknikun e minierës, pasi akuzohen për veprën penale “Shkelje e rregullave mbi lëndët plasëse djegëse dhe radioaktive”.
Në pranga u vendosën:
Ilia Alliu, 47 vjeç, banues në Bulqizë. (teknik miniere)
Petrit Kaca, 36 vjeç, banues në Burrel. (zjarrmëtar)
Ilmi Xhiherri, 49 vjeç, banues në Klos. (zjarrmëtar)
Arrestimi i këtyre tre shtetasve u bë pasi me datë 12.04.2018, në vendin e quajtur “Lugu i Madh”, galerinë nr 4, të nje subjekti minerar në Klos, gjatë punës në galeri është aksidentuar dhe ka gjetur vdekjen nga shpërthimi i lëndëve eksplozive, punonjësi P.M, 57 vjeç.
Të gjitha veprimet janë kryer nën drejtimin e Prokurorit të Gatshëm Mat.
Materialet proceduriale do ti referohen Prokurorisë pranë Gjykatës së Shkallës së parë Mat , për veprën penale “Shkelje e rregullave mbi lëndët plasëse djegëse dhe radioaktive”, në ngarkim të shtetasve P.Kaca, dhe I.Xhiherri, dhe për veprat penale Shkelje e rregullave mbi lëndët plasëse djegëse dhe radioaktive”, ” Shkelje e rregullave të mbrojties në punë”, në ngarkim të shtetasit I.Alliu, parashikuar nga nenet 282/2, 289/1, të Kodit Penal.
