Themeluesi i Bashkësisë Fetare të Shqiptarëve Ortodoksë në Maqedoni, Branko Sinadinovski, u sulmua sot në mesditë nga dy persona ende të paidentifikuar.
Policia po heton ngjarjen, e cila ndodhi në afërsi të banesës së Sinadinovskitm në lagjen Aerodrom, në Shkup.
Sinadinovski është pedagog në universitet. Ai u bë i njohur vite më parë për opinionin maqedonas, pas deklarimit të prejardhjes së tij etnike si shqiptar dhe mbështetjes për krijimin e një Bashkësie Fetare të Shqiptarëve Ortodoksë në Maqedoni. Sinadinovski është me prejardhje nga Beliçica e Rekës së Epërme, nga rajoni i Mavrovës në Maqedoni.
