Sali Berisha deklaroi se personi që nisi 5 ton drogë drejt Italisë, të cilat u kapën ditën e sotme në Cantazaro, është Adrian Liçaj, komandanti i patrullave të Vlorës.
Sipas Berishës, më parë ai ka qenë shefi i anti-drogës në Vlorë. Ish-kryeministri shton se Liçaj është denoncuar më parë si ish-badigard i kriminelit famëkeq të Vlorës, Zani Çaushi.
Berisha shkruan në Facebook se në vitin 2014, Adrian Liçaj u emërua nga Saimir Tahiri si shef i anti-drogës, por u lirua nga detyra disa kohë më parë, për t'u rikthyer më pas si komandant i patrullave në Vlorë, pasi pagoi para.
Ditën e sotme janë kapur të paktën 5 ton drogë e cila thuhej se vinte nga Shqipëria. Në këtë operacion të madh janë arrestuar 25 persona nga të cilët 9 janë shqiptarë.
Postimi i plotë:
Gjirizi i Narkoshtetit te Norieges shperthen ne Itali!
5 tonelata kanabis qe u kapen ne Itali i nisi policia e Vlores, konkretisht
– ish shefi i antidroges te Vlores
– aktualisht komandanti i patrullave te Vlores, Adrian Liçaj
Te dashur miq, 5 tonelatat e droges qe u kapen sot ne Itali jane nisur nga narkopolicia e Vlores, konkretisht Ish-shefi i Antidrogës në Vlore aktualisht shef i patrullave te Vlores, Adrian Liçaj i arrestuar ditën e sotme në Itali si pjesë e një grupi kriminal që trafikonte kanabis nga Shqipëria drejt Italisë. Liçaj ka qene badiguard i Zani Çaushit ne vitin 1997, eshte emëruar në 2014-ën në pozicionin e lartë nga ish-ministri i Brendshëm, Saimir Trafiku, u denoncua nga Kryetari i grupit Parlamentar te PD Edi Paloka si ish badiguard i Zani Çaushit.
Pak kohe me pare u lirua nga detyra por pasi pagoi u pranua serish ne polici si komandant i patrullave te Vlores. Ketu me poshte keni emrat e bandes shqiptare te trafikut te 5 tonelatava droge nga narkopolicia e narkoshtetit. sb
Shqiptarët e arrestuar sot janë:
Indrit Buja, alias Andrea, shqiptar
Elvis Hajdini, 25 vjeç, nga Vlora.
Shefik Muho nga Vlora
Vladimir Leskaj, 51 vjeç nga Vlora
Adrian Licaj, 51 vjeç, shqiptar
Vilson Nelaj, 32 vjeç, shqiptar
Astrit Paskali, 45 vjeç, shqiptar
Alban Sinani, 35 vjeç, shqiptar
Gentian Sulejmani, 41 vjeç, shqiptar
Luan Tahiraj, 39 vjeç, shqiptar
