Duket se kemi të bëjmë me një sasi gati të pabesueshme të kokainës të bllokuar në Portin e Durrësit. Burimet thonë se janë më shumë se 600 kilogramë kokainë që u gjet në kontenierin e një kamioni, i cili mësohet se është vetëm transit në tokën shqiptare dhe po bëhej gati të vendosej në anije, prej nga do të nisej drejt Italisë.
Autoritetet shqiptare janë lajmëruar nga partnerët e huaj, nga shërbimet holandeze dhe gjermane për sasinë më të madhe të kokainës të kapur në vendin tonë.
Nga hetimi, dyshohet se kokaina ka ardhur nga Kolumbia. Prokuroria e Krimeve të Rënda ka kërkuar pamjet e para 45 ditëve.
Mësohet se Prokuroria administronte të gjithë dokumentet e hyrjes së mjeteve në Portin e Durrësit.
