Një sasi e madhe kokaine është sekuestruar mbrëmjen e djeshme në Portin e Durrësit. Nga të dhënat paraprake, mësohet se droga është gjetur në një kamion, i cili kishte si destinacion Italinë.
Gjatë kontrollit të ushtruar nga policia kufitare, u zbulua se brenda në kamion ishin fshehur gjysmë ton kokainë, konkretisht 526 kg.
Ndërkohë në polici janë shoqëruar disa persona, të cilët po merren në pyetje nga policia lidhur me ngarkesën në fjalë. Deri më tani nuk dihen detaje nga operacioni në fjalë. Sakaq, pritet një deklaratë zyrtare nga policia.
