Ministri i Brendshëm, Fatmir Xhafaj ndodhet në londër ku po zhvillon një vizitë pune. Nga atje ai është shprehur se përvoja britanike në procesin e Vetting-ut të Policisë do të jetë modeli i realizimit të këtij procesi në Shqipëri. Përmes një postimi në “Twitter”, ministri Xhafaj shkruan se:
“Në Londër, në vendin e një prej Policive më të mira në botë. Një ditë intensive në Metropolitan Police në New Scotland Yard dhe Agjencinë Kombëtare të Krimit. Modeli për ne, përvoja e shkëlqyer britanike në procesin e Vetting-ut të Policisë. Premtim për mbështetje konkrete për operacionin “Forca e Ligjit”. Bashkëpunim për operacione dypalëshe.”
