Gazetari Baton Haxhiu është rishfaqur sonte në mbrëmje në ekranin e Top Channel, pas një mungese të gjatë në këtë ekran, pasi siç dihet në Shqipëri atë e kemi parë më së shumti në Klan te emisioni ‘Opinion’. Batoni komentoi në edicionin qëndror të lajmeve deklaratat e Kryeministrit Edi Rama për një president të përbashkët të Shqipërisë dhe Kosovës, deklarata të cilat kanë shkaktuar reagime të shumta në të dy vendet. Haxhiu u shpreh se deklaratat e Kryeministrit janë nxjerrë nga konteksti, pasi sipas tij, nuk është fjala për një president të përbashkët që do të vendoset nesër. Ajo çfarë tha Rama, theksoi Baton Haxhiu, tregonte thjesht një vizion se si do duhet të jenë raportet mes Shqipërisë dhe Kosovës në dekadën e ardhshme.
©LAPSI.al
