Pas mbledhjes së grupit parlamentar të PD-së, Lulzim Basha ka dalë në një prononcim për mediat. Ai është shprehur se në mbledhje është diskutuar në lidhje me komisionin parlamentar për çështjen ‘Tahiri’. Basha ëshëtë shprehur se Rama e ka patur në tavolinë informacionin për Tahirin, por lejonte që trafiku të zhvillohej. Po ashtu Basha shprehet se kërkesa për komision hetimor ndaj çështjes Tahiri do të depozitohet sot.
“Ministria e Brendshme, kryeministri ishin në disponuam zyrtar të informacionit, por trafiku bëhej me bekimin dhe ryshfetin që jepej deri tek më të lartët. Edi Rama e ka pasur këtë informacion mbi tavolinë, Haki Çako dhe paraardhësit e tij e kanë pasur në mënyrë zyrtar nga SHISH dhe nga Interpol, nga denoncimet e opozitës, dhe nga media. Shumë gazetarë kanë shkuar dhe kanë rrezikuar të shkonin në parcelat me hashash. Këto fakte janë varrosur në zyrën e kryeministrit. Kjo është arsyeja se Edi Rama ka shkelur kushtetutën dhe ka kthyer parlamentin në gjykatë. Ndërhyrja e Ramës në skandalin Tahiri-Habilaj, çoi në kthimin e Shqipërinë në Kolumbinë e Evropës. Kërkesa për komisionin do të jetë njohja me faktet dhe kërkesa do të depozitohet sot.” – është shprehur Basha.
