Edi Rama mori si shembull Nard Ndokën në dëgjesën e radhës në Shkodër, për t’u treguar shkodranëve se rastet kur deputetët ndërhyjnë për të gjetur një vend pune, duhet të marrin fund.
"Çfarë ka Nard Ndoka 25 vjet këtu që hyn në Kuvend dhe bëhet edhe ministër? Pse u dashka gjet një mik te Nard Ndoka dhe ti thotë drejtorit ‘jepja këtij’? Nard Ndoka ka një gjë më shumë se ju, se vjen vërdallë që të duket njeri i rëndësishëm”, tha kryeministri.
Dhe nuk ka vonuar përgjigjja e kreut të PDK –së, që u zgjodh deputet në listën e PD, i cili e krahason Ramën me humoristin shkodran, Nexho Shabani.
“Çfarë ka Edi Rama më shumë se Nexho Shabani?! Nexho bën humor dhe populli qesh; Rama po bën humor me ‘degjesat’ e popullit, pasi ju bleu votën!”, shkruan Ndoka në profilin e tij në facebook. /Lapsi.al
