Me gotën e rakisë në dorë dhe në tryezën e mbushur plot me produkte të detit, Edi Rama lëshoi disa batuta për Lulzim Bashën, duke gajasur peshkatarët e Vlorës.
Ndërsa hidhte sytë në peisazhin përreth, kryeministri pa një peshkarexhe të ankoruar me mbishkrimin “Basha”. Kaq u desh për t’ia nisur gallatës.
Rama: Ore, po kjo anija e Lulit është?
Peshkatarët duke qeshur: Jo, jo, është e nja dy vëllezërve nga Mallakastra.
Rama: Hajde se edhe Lulin dhëndër Tepelene e kemi.
Peshkatarët: Atë vetë nuk po e marrim vesh nga është.
Rama: Ai është, nga aty ku kandidon. Po kur shkon në Hollandë, thotë jam hollandez.
