Aktori i humorit Bes Kallaku, Presidenti i zgjedhur Ilir Meta dhe ‘i mjeri më i fashëm në Shqipëri’ Ardi Daullxhiu i kërkojnë Ermal Mamaqit të mbajë fjalën e dhënë.
Ardi, i bërë i famshëm nga daljet e shpeshta të Arjan Çanit në “Zonë e Lirë”, dikur kishte marrë një premtim nga Ermal Mamaqi në atë studio. Ditën që Ardi Daullxhiu do të martohej, veshjen e nuses do t’ia bënte Ermali, duke nënkuptuar “Ami Event”.
Pasi Ardi dhe Besi i kërkojnë të mbajë premtimin, në video shfaqet edhe Ilir Meta, që duke iu drejtuar Ermalit, përdor edhe sloganin e LSI, “një shans për ty”.
Po çfarë mund t’i bënte bashkë Ilir Metën dhe Ardi Daullxhiun?
Vetëm dy ditë më parë, tek emisioni “Zonë e Lirë”, Ardi Daullxhiu hoqi kostumin për të treguar se kishte veshur bluzën e LSI. Me ç’duket, ky veprim ka tërhequr vëmendjen e liderit historik të kësaj partie, Ilir Meta, dhe për t’i hequr sado pak shpenzime të dasmës ‘të mjerit më të famshëm në Shqipëri”, ka kontribuar në kërkesën drejtuar Ermal Mamaqit. /LAPSI.AL/
Minuti 18:13
