Pritej të ishte vetëm çështje kohe përpara se dy gjërat që përdorim më shumë të ndërthureshin në një produkt të vetëm: Emoji-t dhe maskat e fytyrës tani janë e njëjta gjë. Sipas Allure, një markë e njohur kineze që merret me prodhimin e produkteve për kujdesin ndaj fytyrës, ka publikuar koleksionin e ri të maskave, të cilat përveçse produktive, e bëjnë procesin më interesant.
Por e gjitha kjo bëhet më interesante akoma për shkak se efektet e tyre rezultojnë të jenë shumë pozitive për kurimin e imperfeksioneve të lëkurës. Për shembull, emoji (angry face), ajo që shpesh ne dërgojmë kur jemi të inatosur, shërben për të mbuluar pjesën e skuqur të fytyrës, e qetëson atë dhe gjithashtu e rifreskon pas ekspozimit në diell. Ndërsa simboli që shpreh frikë quhet “Scream Masque” dhe ndihmon për trajtimet lifting të çdo lloj fytyre.Mësohet se çmimi i maskave arrin diku tek 10 dollarë. Përveç benefiteve, maskat me emoji janë perfekte për të trembur dikë, pasi, le të themi që në fytyrën e njeriut nuk duken dhe aq bukur sa në tastierën e smartphone-it.
