Gjithmonë e më shumë, produktet kozmetike po përgatiten në kushtet e shtëpisë. Tashmë mund t’i gjeni të gjithë përbërësit në treg për të qenë të sigurtë në gjërat që përdorni, sidomos kur bëhet fjalë për produktet e fytyrës.
Për ta bërë vetë zbutësin e buzëve, përzieni pak gjalp kokosi, shtoni disa pika nga lloji i vajit që përdorni (vaj argani, bajamesh apo çfarëdo të keni në shtëpi, vlen edhe ai i ullirit) dhe shtoni një aromatizues që iu pëlqen. Mund të shtoni edhe ngjyrues, sipas dëshirës (p.sh, disa pika lëng shege ose lëkurë të grirë limoni). Përziejini të gjithë përbërësit dhe vendosini në një kuti të vogël, me kapak që mund të izolohet mirë, dhe mbajeni me vete në çantë! Është gjithashtu një ide shumë e mirë për dhuratë.
