Kryeministri Rama u ka bërë disa herë thirrje qytetarëve që të mos paguajnë kur nuk marrin kuponin tatimor dhe t’i denoncojnë këto raste. Që në ditën e parë të nisjes së aksionit kundër evazionit, ka mbërritur edhe denoncimi i parë publik. Ai është bërë nga Aldon Lipe, moderatori i emisionit Aldo Morning Show, në Tv Klan, i cili pas blerjes që ka bërë ka kërkuar kuponin tatimor, por shitësi është larguar me vrap nga frika se mos kapej nga tatimorët. “DENONCIM PUBLIK: Bleva dy misra nga nje djale qe me erdhi ne cadren e plazhit tani pasdite. Nuk me dha kupon. Iku me vrap, por emrin ia pashe te stampuar ne bluze prapa: Ishte Ronaldo”, shkruan Aldon Lipe. Nuk dihet nëse pas kësaj tatimorët janë vënë në ndjekje të djalit që shiste misra apo nëse policia e ka shpallur në kërkim atë, pasi Aldo e denoncoi me emër. Nëse arrestohet, ai mund të jetë viktima i parë i aksionit që deri tani ka bërë bujë vetëm në media. Lapsi.al
