Mesazhi më i vjetër i gjetur ndonjëherë në një shishe të hedhur në det është gjeur në breg pas më shumë se një shekulli. Postierja në pension Marianne Winkler gjeti një kartolinë në një shishe qelqi ndërsa ishte me pushime që datonte vitin 1906. Ajo është hedhur në det nga shkencëtari biolog britanik George Bidder 108 vjet më parë që kërkonte të mësonte më shumë mbi rrymat detare. Shumica e 1 mijë shisheve që ai hodhi në det u gjetën brenda pak muajsh përveç kësaj që u gjet në një ishull gjerman të quajtur Amrum në detin e Veriut.
(Ishulli ku u gjet shishja)
Duke folur për momentin e hapjes së shishes Marianne tha: “Është gjithmonë një gjë e bukur kur gjen një shishe me mesazh në plazh. Im shoq Horst, e nxorri me kujdes mesazhin nga shishja dhe pastaj bëmë atë që na kërkohej. Në letër thuhej që letra të dërgohej në Marine Biological Association në Plymouth në Angli.
Guy Baker nga kjo shoqatë tha për “The Sun”: “Ishte një mrekulli kur hapëm atë zarf, ju mund ta imagjinoni. Pjesa më e madhe e atyre shisheve u gjet brenda pak muajsh dhe në një kohë relativisht të shkurtër. Mendojmë së kjo shishe është më e vjetra e hedhur në det pasi asnjëra nuk ka kaluar 108 vjet në ujë”. Kjo shishe është 9 vjet më e vjetër se rekordi i mëparshëm. Shishja më vjetër e gjetur në ujë me mesazh ishte 99 vjet e 43 ditë./lapsi.al/
(Biologu britanik George Bidder që hodhi shishen në det)
