Flash

Takim i mundshëm me Putinin në Kinë, paralajmëron Iranin për pasoja të rënda

Lapsi.al 17 November 2026

Takim i mundshëm me Putinin në Kinë, paralajmëron Iranin

Presidenti amerikan Donald Trump ka lënë të hapur mundësinë e një takimi kokë më kokë me presidentin rus Vladimir Putin gjatë vizitës së ardhshme në Kinë, në kuadër të samitit të APEC-ut. Duke folur me gazetarët në Manila, Trump u shpreh se do të ishte i gatshëm të takohej me Putinin nëse krijohen kushtet e përshtatshme.

Ai la gjithashtu të hapur mundësinë e një takimi me liderin e Koresë së Veriut, Kim Jong Un. Sipas raportimeve nga mediat e huaja, një pjesë e deklaratave të tij iu kushtua Iranit. Trump paralajmëroi Teheranin se do të përballet me pasoja të paprecedenta nëse ndërmerr një sulm ndaj SHBA-së.

“Nëse kjo ndodh, ata do të paguajnë një çmim që asnjë vend nuk e ka paguar ndonjëherë”, deklaroi presidenti amerikan, duke shtuar se Uashingtoni po i merr shumë seriozisht informacionet për një kërcënim të mundshëm iranian.

Trump komentoi edhe mosmarrëveshjet brenda administratës së tij për politikën ndaj Kinës, veçanërisht lidhur me kufizimet e eksporteve të mikroçipave të avancuar të inteligjencës artificiale. Ai minimizoi përplasjet mes sekretarit të Thesarit, Scott Bessent, dhe sekretarit të Tregtisë, Howard Lutnick, duke i cilësuar ato si dy qasje të ndryshme dhe jo si një problem brenda qeverisë amerikane.

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

20°c

KËMBIMI EURO

90.02

aktuale

Ndiqe Lapsin edhe në

Me interes nga publiku

Me sytë katër

PAPARAZZI