Shanna Moakler duket se ka thumbuar Kourtney Kardashian pas shfaqjes së saj në premierën e “Louder Than Fear” në Los Angeles.
Sipas Page Six, Moakler reagoi ndaj një videoje në TikTok ku shfaqeshin tre fëmijët e saj me ish-bashkëshortin Travis Barker – Landon, Alabama dhe Atiana De La Hoya – duke pozuar në tapetin e kuq së bashku me Barker dhe Kourtney.
Në një koment që u kap nga fansat, Moakler shkroi: “Po fëmijët e saj ku janë?”
Kourtney ka tre fëmijë me ish-partnerin Scott Disick, ndërsa ajo dhe Barker kanë së bashku djalin Rocky, të lindur në vitin 2023.
Komenti i Moakler duket se u fshi më pas, por fansat kishin arritur ta ruanin dhe shpërndanë screenshot-in në rrjetet sociale.
Ky nuk është rasti i parë që Moakler flet për marrëdhënien e saj me Kardashian dhe familjen e saj. Në një intervistë të mëparshme, ajo kishte pretenduar se disa kufij ishin tejkaluar në mënyrën se si po trajtoheshin fëmijët e saj gjatë bashkëprindërimit me Barker dhe Kardashian.
Megjithatë, Moakler ka theksuar se për të më e rëndësishmja është që fëmijët e saj të trajtohen mirë.
