Sapo ke kuptuar se avioni yt është gati të niset pa ty në bord. Cilat janë mundësitë e tua? Të shpërthesh në lot para stafit të aeroportit. Të blesh një biletë tjetër. Të pajtohesh me faktin se do të kesh ende pushime, por bagazhi yt po udhëton jashtë vendit?
Dy gra në aeroportin më të madh në Rusi duket se kanë pasur një ide tjetër. Një kamera i ka filmuar ata duke u ecur nëpër pistë me taka të larta, teksa avioni i tyre Aeroflot fillon të lëvizë mbrapsht.
Videoja, e cila thuhet se është filmuar më 25 korrik, tregon vajzat simpatike duke u përpjekur të tërheqin vëmendjen e stafit të Aeroportit Ndërkombëtar Sheremetyevo të Moskës.
Një punëtor i vëren vërtet ato dhe më pas komunikon menjëherë në radio për të njoftuar të tjerët. Vajzat u shoqëruan menjëherë në ndërtesën e terminalit… dhe u vunë nën kujdesin e Shërbimit Federal të Sigurisë (FSB).
Sipas mediave lokale, aeroporti deklaroi se vajzat kishin kaluar të gjitha kontrollet e sigurisë para fluturimit dhe ndodheshin në zonën “sterile” në momentin e incidentit.
“Pasagjeret shkelën linjat e sigurisë dhe hynë në zonën e kufizuar pa autorizim. Shkelja u zbulua nga stafi i aeroportit në detyrë” – thuhej në deklaratë.
Pasagjeret u ndaluan menjëherë dhe iu dorëzuan oficerëve të Shërbimit Federal të Sigurisë të Federatës Ruse.
"Agjencitë e zbatimit të ligjit po ndërmarrin veprime ligjore kundër këtyre individëve. Incidenti nuk përbënte kërcënim për sigurinë e fluturimit ose të pasagjerëve."
Duhet të jetë një mësim për të gjithë ne, se ndoshta nuk ia vlen të qëndrosh aq gjatë në dyqanet “Duty Free Shop”. ©LAPSI.al
