Producenti dhe kompozitori i njohur David Foster ka reaguar pas videos virale ku dukej sikur injoroi Meghan Markle gjatë një eventi bamirësie.
Foster, 76 vjeç, sqaroi për People se nuk kishte pasur asnjë përplasje me Meghan dhe se ai dhe bashkëshorti i saj, Prince Harry, janë “miq të dashur” të tij.
Sipas producentit, ai i kishte përshëndetur Harry-n dhe Meghan në hyrje të eventit, rreth 10 minuta përpara momentit që u filmua në tapetin e kuq.
Në videon që u shpërnda gjerësisht në rrjetet sociale, Harry shihet duke përshëndetur Fosterin, ndërsa Meghan zgjat dorën drejt tij. Megjithatë, Foster kalon pranë saj pa u ndalur, duke krijuar përshtypjen e një refuzimi publik.
TENSIONS on the red carpet! Meghan Markle publicly snubbed by host David Foster. Watch as he refuses to greet her and ignores her reaching hand. Ouch pic.twitter.com/Um02lbAYNG
— Paula Matanovich © (@paulamatanovich) August 8, 2026
“Të dy, me shumë dashamirësi dhe pa interes personal, dhanë kohën e tyre dhe u angazhuan me të gjithë”, deklaroi Foster, duke vlerësuar çiftin. “Harry dhe Meghan janë miqtë e mi të dashur”, shtoi ai.
Foster këmbënguli se nuk kishte pasur asnjë moment të sikletshëm dhe e cilësoi interpretimin e videos si një keqkuptim të shkaktuar nga “pozicionimi i thjeshtë” i personave në tapetin e kuq.
“Kushdo që e sheh mund ta kuptojë se nuk kishte asnjë moment të sikletshëm dhe sigurisht asnjë shpërfillje”, tha ai, duke e cilësuar zhurmën e krijuar si një “gënjeshtër lënduese”.
Foster dhe bashkëshortja e tij, këngëtarja Katharine McPhee, kanë një miqësi prej vitesh me Harry-n dhe Meghan. Producenti ka krijuar veçanërisht një lidhje të afërt me Harry-n, të cilin McPhee e ka përshkruar më herët si një marrëdhënie pothuajse “baba e bir”.
