Një zjarr masiv që digjet në malin e Dajtit prej më shumë se 10 ditësh ka marrë përmasa të frikshme këtë të mërkurë.
Vatra nisi në zonën e Priskës dhe tashmë flakët janë drejtuar drejt zonës së Surrelit.
Ministria e Mbrojtjes thotë se ka angazhuar 22 forca të zjarrfikëses dhe ADZM-së, të mbështetura nga 2 helikopterë të Forcës Ajrore, ndërsa në Priskë e Madhe po operojnë 15 efektivë me 4 automjete zjarrfikëse dhe mbështetje nga 2 helikopterë.
Zyrtarisht thuhet se në të dyja zonat nuk ka rrezik për zonat e banuara. Megjithatë në zonë ka forca të shtuara të policisë edhe për shkak se në Surrel është banesa e kreut të qeverisë. ©LAPSI.al
Galeria fotografike ( )
