Prezantuesja shqiptare e futbollit, Eva Murati, ka tërhequr sërish vëmendjen e fansave me paraqitjen e saj.
Moderatorja e Champions League u shfaq me një fustan shumëngjyrësh prej mëndafshi, teksa mori pjesë në një mbrëmje me tematikë braziliane në Shqipëri.
Murati pozoi me fustanin elegant, të kombinuar me një çantë në ngjyrë krem, taka të larta dhe vathë të kuq.
Një mbrëmje plot muzikë dhe atmosferë
31-vjeçarja e kaloi mbrëmjen në Folie Marine, buzë detit, së bashku me miqtë e saj.
Ajo u filmua duke kërcyer dhe duke u argëtuar, ndërsa më vonë, Murati u ul në një nga ambientet e barit, ku vazhdoi të shijonte mbrëmjen me shoqërinë.
Në Instagram, ku ndiqet nga më shumë se 1.2 milionë persona, Eva ndau disa momente nga mbrëmja.
Krahas fotove, ajo shkroi:
“High on life… It’s always a good time in my world.”
Në një tjetër postim ajo e përshkroi atmosferën e natës me fjalët “moon so big looks like a spotlight”, duke treguar entuziazmin e saj për mbrëmjen.
Fansat komplimentojnë prezantuesen
Postimet e saj morën menjëherë reagime të shumta nga ndjekësit.
Një prej tyre shkroi: “Mrekullisht e bukur”, ndërsa të tjerë e cilësuan “perfeksion”, “gorgeous” dhe “baddie”.
Një tjetër komentues i shkroi: “E adhuroj”, ndërsa një tjetër vlerësoi fustanin dhe atmosferën e mbrëmjes.
Eva Murati është prej vitesh një nga figurat më të njohura shqiptare në televizion dhe në rrjetet sociale, ku shpesh ndan me ndjekësit momente nga jeta e saj dhe paraqitjet e saj glamoroze.
