Një pilote e re i habiti të gjithë duke ulur avionin e saj me dy motorë në det, pranë një plazhi të mbushur me njerëz në Florida.
Faith Tenkley, 23 vjeçe, shmangu me mjeshtëri ndërtesat dhe vizitorët për të ulur avionin e vogël në ujë pranë plazhit Boca Raton të shtunën. Shkak u bë një defekt në rrotën e uljes së avionit që e detyroi atë të ndërmerrte veprime emergjente.
Tenkley ishte e vetme në aeroplanin “Piper PA30” të familjes së saj, teksa planifikonte të fluturonte rreth 150 milje nga Fort Myers për të marrë prindërit e saj në Bahamas, kur filloi të kishte probleme mekanike.
Pilotja e re, por me përvojë fillimisht planifikoi të bënte një ulje emergjente në Boca, por kur kuptoi se ingranazhet e uljes nuk po funksiononin, u shqetësua se një ulje e fortë në pistë e një aeroplani të furnizuar së fundmi me karburant mund të shkaktonte zjarr.
Me motorin në anën e djathtë që nuk funksiononte, ajo vendosi ta rrëzonte aeroplanin në ujë rreth orës 9:40 të mëngjesit. Një video të shpërndarë në X shihet Tenkley duke shmangur ndërtesat dhe ata që notonin duke gjetur një vend të zbrazët pranë plazhit teksa plazhistët e shikojnë me habi.
Aeroplani bëri një “zbritje të ngadaltë” përpara se të “ulej me delikatesë” në ujë. Dëshmitarët që panë avionin të rrëzohej njoftuan Rojën Bregdetare. Një roje bregdetare arriti brenda 1 minute, me një varkë shpëtimi për të nxjerrë piloten.
Nuk u raportuan të lënduar, por Tenkley, e cila ka qenë pilote e licencuar për 4 vjet, u dërgua në një spital lokal si masë paraprake. ©LAPSI.al
