Presidenti amerikan Donald Trump deklaroi se Irani ka kërkuar bisedime të drejtpërdrejta përmes ndërmjetësve për të ulur tensionet. Ai është shprehur se kontaktet mes dy vendeve po zhvillohen në një "atmosferë shumë miqësore".
Trump ia atribuoi këtë ndryshim presionit ushtarak të SHBA-së, duke pretenduar se operacionet amerikane kanë shkatërruar një pjesë të madhe të marinës, forcës ajrore, mbrojtjes ajrore dhe kapaciteteve iraniane për prodhimin e dronëve dhe raketave.
Presidenti amerikan përsëriti se Uashingtoni nuk do të lejojë kurrë që Irani të pajiset me armë bërthamore. Ai paralajmëroi se, nëse negociatat dështojnë, SHBA do të ndërmarrë veprime të tjera ushtarake. Gjatë një fjalimi në Michigan, Trump sulmoi edhe ish-presidentin Barack Obama, duke thënë se politika e tij ndaj Teheranit kishte qenë e gabuar.
"Irani nuk blihet, por mposhtet", u shpreh ai.
