Kreu i grupit parlamentar socialist, Taulant Balla ka një histori fitoresh politike në Elbasan, në qarkun ku ishte drejtues politik gjatë zgjedhjeve të vitit 2021 dhe më herët. Por bashkë me fitoret, Taulant Balla ka marrë edhe kosto të mëdha, ndër të cilat janë akuzat për bashkëpunim me bandat kriminale apo me emra të veçantë të krimit në këtë qytet.
Sot në parlament ai kishte rastin t'i hidhte poshtë këto akuza, kur Flamur Noka iu përgjigj me të njëjtën gjuhë deklaratave të Ballës se Partia Demokratike kishte një grup deputetësh të përdhunuar nga protesta.
Flamur Noka iu përgjigj se Taulant Balla ishte i përdhunuar nga Suel Çela, kreu i një prej bandave më famëkeqe në Elbasan, nën akuzë nga SPAK për disa vrasje. Madje Flamur Noka tha se dinte edhe orën kur kishte ndodhur ky përdhunim, rreth orës 08:00 të mëngjesit.
Por si reagoi Taulant Balla?
Në vend të se t'i mohonte hamendësimet e Flamur Nokës se atë e kishte përdhunuar Suel Çela në 8 të mëngjesit, ai uli kokën dhe ashtu qëndroi. Pa folur, në heshtje, i palëvzur, nuk tha asgjë.
Shikojeni vetë në videon më poshtë, të shkëputur nga seanca e sotme parlamentare.
