Flash

Goditet një organizatë e trafikut të kokainës në Belgjikë, mes të arrestuarve edhe shqiptarë

Lapsi.al 19 November 2026

Goditet një organizatë e trafikut të kokainës në

Në Anversë të Belgjikës janë arrestuar gjashtë persona, mes tyre edhe shqiptarë, si pjesë e një organizate ndërkombëtare të trafikut të kokainës. Autorët janë të moshës 25 deri në 38 vjeç. Gjatë ditës së martë janë kryer në total shtatë kontrolle ndërsa katër prej tyre u zhvilluan në Belgjikë, Grimbergen, Jette dhe Ninove. Hetuesit belgë bashkëpunuan me autoritetet policore spanjolle dhe Europol-in.    

Gjatë kontrolleve, autoritetet sekuestruan 21 pako kokainë, materiale për paketimin e drogës, një makinë për numërimin e parave, një sasi kanabisi të përgatitur për shitje, pajisje për ngritjen e një plantacioni kanabisi, dokumente identiteti të falsifikuara dhe një shumë parash. Pas kësaj hetuesit kanë identifikuar 21 raste për transport droge, 6 prej të cilave janë identifikuar nga autoritetet dhe janë pasuar nga sekuestrime.

Sipas hetimeve, rrjeti trafikonte kokainë përmes Belgjikës drejt Mbretërisë së Bashkuar. Ky aktivitet u ka siguruar përfitime në rreth 25 milionë euro. Droga mbërrinte përmes portit të Anversës dhe më pas magazinohej për periudha të shkurtra në apartamente me qira në qytetin e Anversës dhe zonat përreth.

Këto ambiente merreshin përmes platformave online të rezervimit dhe përdoreshin për ripaketimin e lëndës narkotike. Kokaina vendosej në çanta sportive dhe transportohej me kamionë drejt Mbretërisë së Bashkuar. Hetimi ka nxjerrë në pah një lidhje me Spanjën, ku dyshohet se qëndrojnë disa prej anëtarëve të rrjetit kriminal.

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

21°c

KËMBIMI EURO

90.02

aktuale

Ndiqe Lapsin edhe në

Me interes nga publiku

Me sytë katër

PAPARAZZI