Një ngjarje e rëndë është regjistruar në Savër të Lushnjës. Një person është gjetur i pajetë në rrugë këtë mëngjes. Viktima është identifikuar si Skënder Malia rreth 55 vjeç. Sipas informacioneve paraprake, dyshohet se shkak i vdekjes ka qenë konsumimi i tepërt i pijeve alkoolike, çka mund të ketë sjellë pasoja fatale për shëndetin e tij.
Banorët e zonës kanë qenë të parët që kanë konstatuar trupin e pajetë në rrugë. Viktima është transportuar për ekzaminime të mëtejshme mjeko-ligjore, ndërsa pritet konfirmimi zyrtar i shkakut të vdekjes.
