Flash

Bllokohen kamionët drejt Malit të Zi, hyn në fuqi masa në doganën e Hanin të Hotit

Lapsi.al 14 April 2026
Bllokohen kamionët drejt Malit të Zi, hyn në fuqi masa në

Mëngjesin e kësaj të martë asnjë kamion nuk do të kalojë në tokën malezeze, pasi shoqata e transportuesve atje ka hyrë në grevë 72-orëshe.

Nga ora 9:30 e kësaj të marte ka hyrë në fuqi masa kufizuese nga autoritetet malazeze për transportin e tonazhit të lartë, pra kamionët, për të hyrë në drejtim të Malit të Zi. Kjo si pasojë e një greve të përgjithshme të shoqatës së kamionistëve, të cilët kanë paralajmëruar protestë për 3 ditët e ardhshme.

Sipas udhëzimit të fundit, në akset që çojnë drejt pikave kufitare me Malin e Zi do të qarkullojnë vetëm automjetet e vogla, autobusët dhe mjetet e transportit të pasagjerëve. Policia Kufitare u ka bërë thirrje drejtuesve të kamionëve të respektojnë masën e përkohshme, për të shmangur bllokimet dhe incidentet e mundshme në rrugë.

Nga vëzhgimet në terren rezulton se masa është zbatuar pa probleme në ditën e parë, pasi drejtuesit e mjeteve të tonazhit të rëndë janë informuar dhe kanë kaluar përpara hyrjes në fuqi të kufizimit. Autoritetet theksojnë se situata po monitorohet për të shmangur çdo bllokim të mundshëm.

Arsyeja e protestës së kamionistëve mbetet ende e paqartë, ndërsa në muajin shkurt shoqatat e transportit ndërkufitar në rajon protestuan për rregulla të reja të hyrje-daljes në zonën Shengen. Situata pritet të ndiqet në ditët në vijim, në varësi të zhvillimeve të grevës.

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

17°c

KËMBIMI EURO

90.02

aktuale

Ndiqe Lapsin edhe në

Me interes nga publiku

Me sytë katër

PAPARAZZI