Ushtria izraelite ka sulmuar kompleksin e gazit në Parsin Jugor të Iranit, sipas ministrit të mbrojtjes të Izraelit.
“Ushtria izraelite sapo kreu një sulm të fuqishëm në uzinën më të madhe petrokimike në Iran”, tha Israel Katz në një njoftim.
Ky sulm vjen pas kërcënimit të Donald Trump ditën e djeshme, për të goditur termocentralet dhe urat e Iranit deri të martën në mbrëmje, nëse Teherani nuk rihap Ngushticën e Hormuzit.
Agjencia shtetërore iraniane e lajmeve Tasnim raportoi se dy kompani që furnizonin me energji elektrike, ujë dhe oksigjen uzinat petrokimike në vend ishin shënjestruar dhe se vetë uzina nuk kishte pësuar asnjë dëm.
Disa shpërthime u dëgjuan në kompleksin e gazit më herët sot, raportoi agjencia shtetërore iraniane e lajmeve Fars.
Kompleksi South Pars – i cili përfshin fushën më të madhe të gazit në botë – u godit më parë nga sulme muajin e kaluar, të cilat Izraeli tha se i kreu i vetëm, pa SHBA-në.
