Flash

PD kërkon interpelancë me ministren e Shëndetësisë

Lapsi.al 31 March 2026
PD kërkon interpelancë me ministren e Shëndetësisë

Partia Demokratike ka denoncuar publikisht atë që e cilëson si skandalin më të fundit me koncesionin e sterilizimit, i cili sipas saj, megjithëse ka kaluar nën administrimin e shtetit, vijon të krijojë probleme për qytetarët.

Në një konferencë për mediat nga Kryesia e Kuvendit, deputeti i PD-së, Bardh Spahia, deklaroi se qytetarët po hasin vështirësi për të kryer analizat laboratorike, duke e cilësuar situatën shqetësuese. Për këtë arsye, opozita ka kërkuar zhvillimin e një interpelance në Parlament me ministren e Shëndetësisë, Evis Sala.

“Partia Demokratike kërkon një interpelancë në Parlament për çështjen e sterilizimit. Vetë ministrja e ka pranuar publikisht se qytetarët nuk kanë mundësi të kryejnë analizat”, u shpreh Spahia.

Ai akuzoi gjithashtu qeverinë se, edhe në këtë rast, po synon përfitime përmes këtij koncesioni tashmë shtetëror, duke i bërë thirrje Struktura e Posaçme Kundër Korrupsionit dhe Krimit të Organizuar (SPAK) të nisë hetimet. “Pse SPAK nuk heton koncesionin e sterilizimit? Ministria e pranoi vetë situatën. Kërkojmë hetimin e këtij rasti”, deklaroi deputeti demokrat nga selia e Kuvendit.

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

17°c

KËMBIMI EURO

90.02

aktuale

Ndiqe Lapsin edhe në

Me interes nga publiku

Me sytë katër

PAPARAZZI