Kryeministri izraelit Benjamin Netanyahu ka reaguar sërish pas sulmeve ndaj Iranit. Ai deklaroi se ka “shenja” që tregojnë se lideri suprem Ajatollah Ali Khamenei mund të ketë vdekur. Në një video-mesazh, Netanyahu u shpreh se “regjimi i Ajatollahëve nuk duhet të ekzistojë më”. Ai pretendoi se sulmet shkatërruan kompleksin e Khameneit dhe vranë komandantë të Gardës Revolucionare, si edhe zyrtarë të lartë të programit bërthamor.
Kryeministri izraelit u bëri thirrje qytetarëve iranianë që “të pushtojnë rrugët dhe të përfundojnë punën”, duke e përshkallëzuar më tej retorikën pas zhvillimeve të fundit. Këto deklarata dhe agresione izraelite vijnë në një moment kur Netanyahu përballet me kritika për menaxhimin e luftës në Gaza, duke shtuar tensionet në rajon.
