Lionel Richie u detyrua të ndërpriste koncertin e tij në St. Paul, Minnesota, pasi u ndje keq gjatë performancës.
77-vjeçari po performonte hitin e njohur “Dancing on the Ceiling” kur nisi të shfaqte shenja shqetësuese, duke u ulur disa herë në skenë për shkak të marramendjes.
“Kur të merret mendja, ulu,” u tha Richie me humor fansave, ndërsa përpiqej të vazhdonte koncertin.
Pas kësaj, ai u ul pranë pianos për të interpretuar këngën “Three Times a Lady”, por më vonë kërkoi një pushim të shkurtër. Megjithatë, pas rreth 40 minutash, ekipi i tij njoftoi publikun se artisti nuk ishte në gjendje të vazhdonte performancën.
BREAKING: Lionel Ritchie concert in St Paul at Grand Casino Arena canceled mid-show. Ritchie sat down on stage during “Dancing on the Ceiling”, said he felt dizzy. Performed one more song at piano, “Three Times a Lady”, then announced unplanned intermission. Did not return. pic.twitter.com/RNalkYHnmG
— Patrick Kessler (@PatKessler) June 25, 2026
“Fatkeqësisht, Lionel nuk po ndihet mirë dhe nuk mund ta vazhdojë koncertin,” u tha të pranishmëve një prej anëtarëve të grupit.
Koncerti ishte nata e parë e turneut të përbashkët të Lionel Richie me grupin legjendar Earth, Wind & Fire, i cili përfshin 26 data në Amerikën e Veriut.
Deri më tani nuk ka informacione të tjera mbi gjendjen shëndetësore të këngëtarit, ndërsa mbetet e paqartë nëse ai do të jetë në gjendje të ngjitet në skenë për koncertin e radhës.
