Një aksident është regjistruar në zonën e Labinot-Fushë, në aksin nga "Tuneli i Krrabës" drejt Librazhdit. Në përplasje janë përfshirë dy automjete. Dy persona kanë mbetur të plagosur lehtë dhe janë transportuar për ndihmë mjekësore jashtë rrezikut për jetën. Pas aksidentit, qarkullimi në këtë segment është rënduar ndjeshëm. Janë krijuar radhë të gjata dhe vonesa për drejtuesit e mjeteve.
Ky aks është një nga arteriet kryesore që lidh kryeqytetin me Juglindjen e vendit dhe gjatë fundjavave përballet me trafik të dendur. Policia ndodhet në terren me forca të shtuara. Po punohet për normalizimin e qarkullimit dhe për zbardhjen e shkaqeve të aksidentit.
