Një 25-vjeçar me iniciale G.B, është arrestuar në Pikën Kufitare të Muriqanit, pasi dyshohet se drejtonte automjetiin nën efektin e drogës. Sipas njoftimit të policisë, në dalje të pikës kufitare, u ushtrua kontroll në automjetin e 25-vjeçarit, ku u gjet një sasi kokaine.
Uniformat blu bëjnë me dije se 25-vjeçari nga Tirana drejtonte automjetin nën efektin e lëndës narkotike. Lënda narkotike dhe automjeti u sekuestruan në cilësinë e provës materiale.
Njoftimi i policisë:
"DVKM Shkodër Drejtonte automjetin në efektin e lëndëve narkotike dhe posedonte një sasi Kokaine, kapet në flagrancë nga shërbimet e Policisë Kufitare Muriqan dhe vihet në pranga 25-vjeçari.
Sekuestrohen automjeti dhe sasia e lëndës narkotike.
Si rezultat i kontrolleve dhe verifikimeve që po kryhen me qëllim parandalimin dhe goditjen e krimeve kufitare, shërbimet e Policisë Kufitare në PKK Muriqan, në bashkëpunim me Seksionin për Hetimin e Narkotikëve të DVP Shkodër, arrestuan shtetasin:
-G. B., 25 vjeç, banues në Tiranë.
Në dalje të RSh-së, shërbimet e Policisë Kufitare kanë ndaluar për kontroll automjetin që drejtonte 25-vjeçari, i cili dyshohet se ishte në efektin e lëndëve narkotike.
Gjatë kontrollit, 25-vjeçarit i gjetën një sasi lënde të dyshuar narkotike Kokainë.
Lënda narkotike dhe automjeti u sekuestruan në cilësinë e provës materiale.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme, për veprat penale “Trafikimi i narkotikëve” dhe “Drejtimi i automjetit në mënyrë të parregullt”.
