Mbledhja e parë e Këshillit të Paqes pritet të mbahet më 19 shkurt në Uashington, në ambientet e Institutit të Paqes, sipas një zyrtari të administratës amerikane. Lajmi u konfirmua për Reuters. Ndërsa Shtëpia e Bardhë nuk ka reaguar ende zyrtarisht.
Pjesëmarrjen e ka konfirmuar kryeministri hungarez Viktor Orban. Gjatë një takimi elektoral, ai deklaroi se do të udhëtojë drejt Uashingtonit për të marrë pjesë në mbledhjen inauguruese të Këshillit dhe për t’u takuar me presidentin amerikan Donald Trump.
Këshilli i Paqes u krijua në fund të janarit nga Trump dhe drejtohet prej tij. Sipas ish-presidentit amerikan, struktura synon zgjidhjen e konflikteve globale, edhe pse nisma ka ngjallur shqetësime për një dobësim të rolit të Kombeve të Bashkuara.
Burime bëjnë me dije se disa liderë botërorë janë ftuar të bashkohen me këtë organ të ri, ndërsa vendet që kërkojnë një vend të përhershëm pritet të kontribuojnë financiarisht me 1 miliard dollarë.
