Kreu i PD-së Sali Berisha deklaroi në foltoren e Kamzës se rrezikohet që të pezullohet procesi i integrimit europian të Shqipërisë.
Kjo sipas tij, për shkak të dosjeve Balluku dhe AKSHI, që kanë nxjerrë në pah grabitjet spektakolare të parave të qytetarëve. Berisha thekson se Rama ka patur disa takime shumë të rënda ditët e fundit në Bruksel për këtë çështje.
Ai shtoi se qëllimi i Ramës është të bllokojë drejtësinë dhe të kontrollojë çdo hap të procesit të shtetit, duke manipuluar institucionet dhe duke penguar funksionimin normal të mekanizmave të drejtësisë.
Berisha: Gjykatësit 4 seanca për një vendim që në mënyrë absolute nuk u takonte ta shqyrtonin. Çdo qytetar shkon në Apel, nga Apeli në GJL nga GJL në GJK. Kurse Lubia, dhe këta gjykatës direkt GJK e mbajnë dy muaj. Ajo dy muaj duke fabrikuar duke grisur dokumente. Vetëm se ajo është Edi Rama. Më hajdute se ajo nuk ka njeri, por ajo është Edi Rama. Rama ishte i gatshëm, këto 3-4 ditë ka pasur mbledhje shumë të rënda në Bruksel, me variante nga më ndëshkueset. Dhe që të ç’bëhet i gjithë procesi i integrimit, të ktheheshim te marrëdhënia tregtare e vitit 92. Vizë heqjes së vizave, hapjes së negociatave. Sepse ka vjedhur dhe kërkon me çdo kusht të bllokojë drejtësinë. Kjo është situata ku ndodhemi.
