Një futbollist me ngjyrë i skuadrës së Burrelit, Arnold Këaku Siaë, u bë objekt i një debati nëse ndaj tij, gjatë një emisioni sportiv në RTSH, pati ose jo tallje me sfond racizmi.
Nuk dihet nëse për shkak të fokusit të gabuar mbi pigmentin e lëkurës së tij, paisjeve difektoze elektronike apo vështirësisë së moderatores Hygerta Sako për të shqiptuar emrin e tij, kur futbollisti u shfaq për tu intervistuar në emisionin "Super Gol",në studio plasi e qeshura mes drejtueses Hygera Sako dhe 3 panelistëve Ardi Behari, Gert Haxhiu dhe Klajdi Kola.
Për këtë inicdent, klubi i KF Burrelit u detyrua të reagojë në faqen e vet në Instagram, duke shkruar: "Në një emision televiziv sportiv, u bë një akt i turpshëm bullizmi dhe talljeje ndaj lojtarit tonë Siaë, i cili me profesionalizëm e përulësi po përfaqëson me nder Burrelin."
Kulmi në emision arriti kur pasi futbollisti nuk po arrinte të shquhej në ekran, i ftuar Gert Haxhiu, plasi batutën: "Faleminderit RTSH-së që në momentet e fundit na e e zbuloi] sepse dukej si rrëfimet e atyre njerëzve që nuk duan të flasin".
Drejtuesja e emisionit, Sako, mohoi që ndaj futbollistit të ketë patur tendencë bullizimi apo tallje, Ajo tha për laspi.al se në "asnjë moment ndaj futbollistit të Burrelit nuk ka patur sjellje tendecioze, aq më pak me sfond racist". Ajo shtoi se nëse momenti në fjalë është prodhuar dhe për shkak të një defekti të led-it tnë studio dhe ka kërkuar ndjesë për çdo keqkuptim. ©Lapsi.al
